Biləsuvar rayonunda qarpızdan zəhərlənmə ölümə səbəb olub. 

Yenixeberlenti.com-un "Report"un Muğan bürosuna istinadən məlumatına görə, hadisə rayonun İsmətli kəndində qeydə alınıb. 

Belə ki, kənd sakini 1992-ci il təvəllüdlü Əlizadə Cəmilə zəhərlənmə əlamətləri ilə rayon xəstəxanasına daxil olub. 

Həkimlərin səylərinə baxmayaraq, onun həyatını xilas etmək mümkün olmayıb. 

Məlumata görə, qadın yediyi qarpızdan zəhərlənib.

Faktla bağlı araşdırma aparılır.